Hoti për takimin Kurti-Abdixhiku: Presim sot të informohemi për bisedimet e djeshme

Deputeti i zgjedhur i Lidhjes Demokratike të Kosovës (LDK), Avdullah Hoti, deklaroi se pret të informohet nga udhëheqja e partisë për rezultatet e takimit të zhvilluar një ditë më parë mes kryeministrit në detyrë, Albin Kurti, dhe kryetarit të LDK-së, Lumir Abdixhiku, transmeton

Para fillimit të mbledhjes së Grupit Parlamentar të LDK-së, Hoti tha se fillimisht dëshiron të dëgjojë raportimin e drejtuesve të partisë për atë që është diskutuar në takimin e djeshëm.

“Të dëgjojmë se çka kanë biseduar dje”, deklaroi Hoti për Klan Kosovën.

I pyetur nëse do të mbështesë vendimet që do të marrë partia, ai u shpreh: “Ta shohim. Do të na informojnë sot se çka u bisedua dje”, shtoi ai.

Takimi ndërmjet Albin Kurtit dhe Lumir Abdixhikut u zhvillua mbrëmjen e së martës në kuadër të përpjekjeve për të gjetur një zgjidhje politike që do t’i hapte rrugë formimit të institucioneve të reja. Megjithatë, bisedimet përfunduan pa një dakordim mes palëve./gazetametro.net