Loading…

Hoti: Kërkojmë mbështetje si në kohën e Ibrahim Rugovës

  • 01/06/2017 | 19:17

Hoti: Kërkojmë mbështetje si në kohën e Ibrahim Rugovës

Kandidati për kryeministër nga koalicioni LDK-AKR-Alternativa, Avdullah Hoti gjatë tubimit në Prishtinë , ka thënë se rrahja e gjoksit nuk është atribut i këtij koalicioni.

Ai ka kërkuar nga hapja e fushatës në Prishtinë se për zgjedhjet e 11 qershorit kërkojnë mbështetje si në kohën e presidentit Ibrahim Rugova.

Hoti ka thënë se vendi nuk do të humbë tokë në rastin e demarkacionit.

“Ashtu siç ka thënë kryeministri Mustafa, nuk do të humbet asnjë pëllëmbë e territorit të Kosovës, nga demarkacioni me Malin e Zi por edhe Serbinë”, ka shtuar ai.

“Do të thellojmë bashkëpunimin vëllazëror me Shqipërinë. Qeveria jonë do të kontribuojë në ruajtjen e paqes në rajon”, ka thënë Hoti.

“Kosova është çliruar, është pavarësuar tash duhet të punojmë në idenë e një shtetit demokratik”.

Ai ka thënë se vendi sot është këtu falë kontributit të presidentit Ibrahim Rugova dhe gjakut të derdhur të ushtarëve të UÇK-së.

“Kosova është këtu falë mbështetjes nga bota e civilizuar”, ka pohuar Hoti.

“Ne jemi të aftë dhe të guximshëm t’i dalim zot Kosovës”, ka theksuar ai më tej.

Në fund fjalimin e tij e Hoti e ka përmbyllur ashtu siç Rugova bënte dikur.

“Zoti e bekoftë Kosovën, zoti e bekoftë popullin e Kosovës, zoti i bekoftë miqtë e Kosovës”.

Ai ke theksuar se gjatë mandatit të këtij koalicioni në qeverisje do të ketë rritje ekonomike, ulje të papunësisë, krijim të fondit zhvillimor rritje të pagës minimale dhe të pensioneve.

“Ju garantojmë të rinjve dhe të rejave se do t’i mbështesim. Nga janari 2018 i shumëfishojmë beneficionet. Përmirësim në cilësinë e arsimit të gjitha shkollat do ti pajisim me kabinete. Barna bazike për të gjithë kujdes shtëpiak për të gjithë ata që kanë nevojë. Ne kemi plan konkret për rendin dhe ligjin e luftojmë krimin dhe korrupsionin. Kemi arritur t’i ndërprejmë praktikat kriminale gjatë qeverisjes”, është shprehur Hoti.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: in[email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë