Historia rrënqethëse e nënës shqiptare: Jeta në bunker mes mjerimit dhe skamjes

Vetëm 5 km larg nga qendra e qytetit të Shkodrës, rrëzë malit të Taraboshit, një nënë me tre fëmijë, prej 10 vitesh që kur i është djegur banesa në fshat, jeton në një tunel ushtrie të braktisur në kushte ekstreme varfërie, pa ujë, pa drita, pa punë e më të shumtët e ditëve edhe pa bukë.

Por edhe e braktisur dhe e veçuar nga pjesa tjetër e shoqërisë. Kjo është Dila Gega dhe kjo është ajo që Dila quan “shtëpi”.

Dila rrëfen se burri i ka vdekur para dy vitesh, djali i vetëm tregon ajo rri gjithë ditën në mal me ato pak bagëti. Ndërsa dy vajzat prej disa netësh janë marrë për mëshirë nga disa kushërinj të largët, por që shumë shpejt e ato do të rikthehen te tuneli.

E vetmja mënyrë për të mbajtur shpirtin në trup për këtë nënë të vuajtur e fëmijët e sajë është mbledhja e sherbelës në mal.