Loading…

Haziri ia jep disa instruksione Kurtit para takimit me Vucic në Bruksel

  • 18/08/2022 | 08:49

Haziri ia jep disa instruksione Kurtit para takimit me Vucic në Bruksel

Lutfi Haziri, nënkryetar i Lidhjes Demokratike të Kosovës, ka thënë se kryeministri Albin Kurti deri me tani ka pasur takime me presidentin serb, Aleksandar Vuçiq vetëm sa për tu takuar, por që asnjë marrëveshje e re nuk është arritur.


Kështu është deklaruar Haziri përmes një postimi në Facebook, ku ka shtuar se të parin e qeverisë nuk e kemi parë ende në veprim për të zgjidhur një çështje të vetme.

Ai ia ka dhënë disa instruksione kryeministrit për takimin e sotëm në Bruksel.

Postimi i plotë:

Deri tani, kryeministri i Kosovës ka pasur takime me presidentin serb sa për t’u takuar, por asnjë marrëveshje e re nuk është arritur. Është biseduar dhe dakorduar lidhur me metodat e implementimit të marrëveshjeve që janë arritur nga ish-kryeministrat e Kosovës.

Ende nuk e kemi parë Kurtin në veprim për të zgjidhur një çështje të vetme në agjendën e cila pritet të shtjerret së bashku me ndërmjetësin ndërkombëtar, që në këtë rast është BE dhe Lajcak në emër të përfaqësuesit më të lartë të BE-së dhe lehtësimit të vjen nga SHBA-të.

Në takimin e nesërm duhet ta kenë parasysh dhe prioritet negocimin sa më të shpejt të zgjidhjes së çështjeve që i kemi përpara. Natyrisht, me marrëveshje gjithëpërfshirëse e cila përfundon me njohje reciproke dhe i obligon të dyja palët që ta zbatojnë dhe, mbi të gjitha, me këmbëngulësi dhe me vullnet politik duhet të insistojmë që kjo të përfundojë sa më parë sepse status-quo është armiku më i madh i Kosovës, e cila sjell tensione.

Në këtë rast, kapaciteti i gjetjes së zgjidhjeve tregohet, jo nëpërmjet policisë, por nëpërmjet dialogut.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë