Loading…

Haxhiu tregon sa vota i ka siguruar Haradinaj

  • 11/07/2017 | 23:51

Haxhiu tregon sa vota i ka siguruar Haradinaj

Bekim Haxhiu i PDK-së thotë se koalicioni PDK-AAK-Nisma ka votat e mjaftueshme për themelimin e qeverisë.


Koalicioni PAN fitoi 39 ulëse nga zgjedhjet e 11 qershorit dhe pavarësisht se Vetëvendosje dhe koalicioni LAA, dy subjektet tjera në Kuvend, kanë deklaruar se nuk do të votojnë një qeverisje të PAN-it, Haxhiu thotë se PAN ka siguruar votat e mjaftueshme për themelimin e qeverisë.

Haxhiu ka thënë se koalicioni PAN ka siguruar së paku 63 vota, duke përfshirë 20 vota të minoriteteve dhe së paku katër nga subjektet tjera.

“Numrat i kemi. Do të shihet në Kuvend pas votimit për kryetar të Kuvendit. Do të shihet hapi për qeverinë. Ka deputetë që kanë reflektuar. Ka deputetë që para interesit individual apo grupor e kanë interesin shtetëror. E garantuar deri tani është se kemi 63 deputetë, nëse ky numër nuk rritet ditëve në vijim”, ka thënë Haxhiu në Interaktiv të KTV-së.

Ai nuk ka dashur të specifikojë emrat e deputetëve.

Lidhur me deklaratat e deputetëve të koalicionit LAA se nuk do të votojnë qeverinë e PAN-it, Haxhiu ka thënë se “do të shohim a do të mbajnë fjalën”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë