Haxhiu përplaset me analistin kur përmendet Astrit Dehari

Zyrtarja e Vetëvendosjes Albulena Haxhiu është përplasur keq me gazetarin Arben Ahmeti pasi që ky i fundit derisa po debatonin në Debat Plus në Tv Dukagjini për një koalicin të mundshëm parazgjedhor me LDK’në ia ka përmendur akuzat që VV ia ka bërë kryetarit të LDK’së Isa Mustafa për vdekjen e Astrit Deharit.

Ahmeti në emisionin Debat Plus ka thënë se nuk e kupton Vetëvendosjen se si e lutë LDK-në për koalicion kur në kohën sa Isa Mustafa ishte kryeministër, e kanë fajësuar për vdekjen e aktivistit Astrit Dehari.

Reagimi i deputetës Haxhiu ishte shumë i ashpër sa që i ka thënë gazetarit Ahmeti që mos ta permend më emrin e Astritit. Por analistët në debatin televiziv ia kanë rikujtuar përfaqësuesve të VV’së akuzat dhe sulmet që i kanë bërë LDK-së dhe kryetarit të saj Isa Mustafa.

Ata vleresojnë se partia e Kurtit po ka frikeë që të garojë e vetme në zgjedhje dhe me këto oferta po i vardiset partisë së Isa Mustafës./gazetametro.net