Loading…

Haxhiu: Pacientëve me Omicron u është thënë se janë me grip, Qeveria është përpjekur që të paraqesë shifra të rrejshme

  • 27/01/2022 | 13:00

Haxhiu: Pacientëve me Omicron u është thënë se janë me grip, Qeveria është përpjekur që të paraqesë shifra të rrejshme

Deputeti i Partisë Demokratike të Kosovës (PDK’së), Bekim Haxhiu në seancën e sotme të Kuvendit të Kosovës ka thënë se pacientëve me Omicron u është thënë se janë me grip dhe sipas tij Qeveria është përpjekur që të paraqesë shifra të rrejshme, shkruan Gazeta Metro.


Haxhiu ka thënë se Qeveria Kurti gjatë muajit dhjetor të vitit të kaluar dhe janar të këtij viti, ka pasur përpjekje për të paraqitur shifra të rrejshme me COVID-19, duke e zvogëluar numrin e rasteve të reja.

Sipas tij, kësisoj dhjetëra pacientëve me simptoma të variantit Omicron u është dhënë terapi pa i udhëzuar që të testohen për COVID.

“As pas dy vite të pandemisë Qeveria e Kosovës nuk arrin të dalloj variante të COVID-19, sillet me neglizhencë dhe papërgjegjësi pavarësisht situatës pandemike. Gjatë muajit dhjetor dhe në fillim të janarit 2022 kishte përpjekje nga qeveria që të paraqiten shifra të rrejshme me COVID duke i zvogëluar ato, duke i kamufluar me grip sezonal pasi simptomatologija e Omicron dhe gripit sezonal ishte e njejtë. Kemi me dhjetëra raste kur pacientët me simptoma të Omicronit u është dhënë terapia pa i udhëzuar për të bërë testin për COVID. Këta persona kanë lëvizur lirshëm dhe janë shndërruar në shpërndarës të virusit duke e rritur shpejtësinë e numrit të rasteve pozitive”, ka deklaruar ai.

Haxhiu ka thënë se brenda gjashtë muajve qeveria ka përsëritur gabimin e njëjtë me keqmenaxhimin e pandemisë.

“Brenda 6 muajve qeveria për të dytën e herë e përsërit gabimin e njëjtë me keqemenaxhim të situatës me pandeminë COVID-19. Gjatë muajve të verës kur ishim buzë katastrofës shëndetësore dhe tani këto ditë dimri po e shohim paaftësinë e njëjtë të qeverisë në menaxhim të pandemisë”, ka deklaruar ai.

Haxhiu ka kritikuar qeverinë edhe për masat kufizuese kundër COVID-19.

Ai ka kërkuar nga qeveria që me urgjencë t’i shqyrtojë masat e marra.

Po ashtu, Haxhiu ka kërkuar nga ministri i Shëndetësisë që të bëjë publike numrin e vaksinave të blera, të marrë si donacion, e atyre që u ka dalur afati.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë