Loading…

Haradinaj tregon se çfarë u bisedua në takimin me zyrtaren amerikane Madison

  • 18/03/2019 | 12:26

Haradinaj tregon se çfarë u bisedua në takimin me zyrtaren amerikane Madison

Kryeministri i Kosovës, Ramush Haradinaj ka njoftuar mediet se ka pritur në takim Ndihmës Sekretaren për Çështje Ndërkombëtare të Narkotikëve dhe Zbatimit të Ligjit(INL) të ShBA-së, Kirsten Madison, e cila është duke qëndruar për një vizitë zyrtare në Kosovë, transmeton Gazeta Metro.

Sipas njoftimit, nuk tregohet nëse Ndihmës Sekretarja për Çështje Ndërkombëtare të Narkotikëve dhe Zbatimit të Ligjit të SHBA-s, Kirsten Madison, kishte ndonjë porosi për Kosovën, pasi që krejt ajo çka njoftoi zyra e kryeministrit ishte se çfarë ky i fundit e ka informuar zyrtaren amerikane.

Njoftimi i plotë:

Kryeministri i Republikës së Kosovës, Ramush Haradinaj, ka pritur sot në takim Ndihmës Sekretaren për Çështje Ndërkombëtare të Narkotikëve dhe Zbatimit të Ligjit(INL) të ShBA-së, Kirsten Madison, e cila është duke qëndruar për një vizitë zyrtare në Kosovë.

Kryeministri Haradinaj e ka njoftuar Ndihmëssekretaren Madison për të arriturat e Qeverisë, për zhvillimin ekonomik të vendit, prioritetet në forcimin e sundimit të rendit dhe të ligjit, luftën kundër korrupsionit, narkotikëve dhe delikuencës, riatdhesimin dhe tema tjera me rëndësi për vendin.

Me këtë rast, kryeministri Haradinaj falënderoi Ndihmëssekretaren Madison dhe Shtetet e Bashkuara të Amerikës për ndihmën dhënë Kosovës në të gjitha periudhat duke vlerësuar se ndihma e pakursyer e ShBA-së është e nevojshme edhe në këtë periudhë të shtetndërtimit dhe forcimit të subjektivitetit ndërkombëtar të saj.

Kryeministri Haradinaj gjithashtu ka falënderuar Ndihmësekretaren Madison për kontributin e ShBA-së në forcimin e mekanizmave të sigurisë në vend, veçmas në asistencën për policinë, Gjykatat dhe Prokurorinë, ndihmë kjo që ka rezultuar me ngritjen e kapaciteteve të vendit në këto institucione.

“Falë ndihmës tuaj, të dhënë në vazhdimësi, ne sot kemi institucione kredibile dhe të cilat kanë shënuar suksese në vend por edhe në partneritet me institucionet e huaja”, ka thënë Kryeministri Haradinaj, duke shprehur përkushtimin e Qeverisë së vendit, në progresin e vazhdueshëm në fushën e sundimit të rendit dhe ligjit dhe sigurisë.

Edhe kumtesa nga Kryeministria për këtë takim ka po këtë përmbajtje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë