Loading…

Haradinaj në takim me bashkatdhetarët në Gjermani: Atdheu është pika jonë që na bashkon përtej partive e ideologjive

  • 05/12/2022 | 23:12

Haradinaj në takim me bashkatdhetarët në Gjermani: Atdheu është pika jonë që na bashkon përtej partive e ideologjive

Kreuni Aleancës për Ardhmërinë e Kosovës Ramush Haradinaj, ka zhvilluar takime me bashkatdhetarë në Gjermani, së bashku me deputeten Time Kadrijaj dhe Bekë Berisha.


Gjate ditës së sotme, Haradinaj qëndroi në Sant Augustin, distrikti Rhein-Sieg-Kreis.

Në profilin e tij në rrjetin social Facebook, Haradinaj shprehet i lumtur t’i takojë bashkëkombasit dhe t’i sheh nga afër duke përparuar në punët e tyre si dhe duke ndihmuar familjet e tyre në Atdhe.

Po ashtu, lideri i AAK i falënderoi secilin person që kanë ndarë kohë për të bashkëbiseduar në mes vete për fatet e Atdheut, që është pika jonë që na bashkon përtej partive e ideologjive.

“Edhe sot kam vazhduar me takime të njëpasnjëshme me bashkëkombësit që jetojnë në Gjermani. E kuptoj shumë mirë ndjenjën e tyre, e përjetoj emocionin që kanë me mijëra kilometra larg vendlindjes, pasi që dikur isha edhe unë pjesë e tyre.

Dita e sotme kulmoi me tubimin në Sant Augustin, distrikti Rhein-Sieg-Kreis. I lumtur të shoh ata duke përparuar, duke ndihmuar familjet në Atdhe.

I falënderoj të gjithë emër për emër, nisur nga Driton Malaj, kryetar i Aleancës për këtë rajon, dhe secilin që ndau nga koha e tyre që të bashkëbisedojmë mes vete për fatet e Atdheut, që është pika jonë që na bashkon përtej partive e ideologjive.

Po kthehem në Kosovë, me shpresë që shumë nga këta mërgimtarë t’i takoj për festat e fundvitit dhe me shpresë se nga Kosova tash e tutje do të dëgjojnë vetëm lajme të mira”, ka shkruar Haradinaj në Facebook.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë