Loading…

Haradinaj kujton kohën kur kishte dhënë dorëheqje nga posti i kryeministrit: Tani besoj që do të vërtetohet pafajësia e bashkëluftëtarëve të mi

  • 29/11/2023 | 13:55

Haradinaj kujton kohën kur kishte dhënë dorëheqje nga posti i kryeministrit: Tani besoj që do të vërtetohet pafajësia e bashkëluftëtarëve të mi

Kryetari i Aleancës për Ardhmërinë e Kosovës, Ramush Haradinaj, ka kujtuar 17 nëntorit e vitit 2004 kur ka dhënë dorëheqje nga posti i kryeministrit, për t’u paraqitur për intervistim para prokurorëve të Hagës në Prishtinë.


Haradinaj atë kohë dyshohej për krime lufte dhe thyerjen e ligjeve dhe rregullave të luftës.

“Pas marrjes së aktakuzës së parë, filloi një proces i gjatë gjyqësor. Që nga ajo ditë e deri më 29 nëntor 2012, zgjati ndjekja ligjore ndaj meje. Edhe pse në aktgjykimin e parë u lirova si i pafajshëm, pas disa vjetësh jam rikthyer për herë të dytë në rigjykim”, ka shkruar i pari i AAK-së në Facebook.

Ai tutje është shprehur se i gjithë ky proces gjyqësor ka zgjatur më shumë se 8 vjet, ku përfundimisht para 11 vjetësh ka marrë aktvendimin e pafajësisë, “i cili vulosi pafajësinë time dhe të bashkëluftëtarëve të mi, për luftën e drejtë dhe të pastër të UÇK-së”.

“Në këtë proces për vendosjen e drejtësisë, asnjëherë nuk mbeta i vetëm. Kisha afër familjen, bashkëluftëtarët, gjithë qytetarët e diasporën, por edhe institucionet tona, edhe pse në pjesën e parë nuk ishim shtet i pavarur”.

“Edhe atë kohë kishim ndjenjën që drejtësia e vonuar është drejtësi e mohuar, por megjithatë kur erdhi ishte lehtësim i madh, çlirim nga padrejtësitë që ndodhën gjatë procesit”, ka shtuar Haradinaj.

Ai ka thënë se tani beson që do të vërtetohet pafajësia dhe pastërtia e bashkëluftëtarëve të tij, të cilët janë duke u përball me sfidën e radhës në Hagë.

“Ata shkuan si çlirimtarë atje, ashtu do të kthehen!”, ka përfunduar Haradinaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë