Haradinaj e Krasniqi intervistohen sot nga Gjykata Speciale

Kryeministri në detyrë i Kosovës, Ramush Haradinaj, dhe ish-kreu i Kuvendit, Jakup Krasniqi, do të merren sot në pyetje nga Gjykata Speciale në Hagë, shkruan Gazeta Metro.

Haradinaj dje udhëtoi drejt Hagës, ku edhe vepron Prokuroria Speciale, ai atje do të intervistohet në cilësinë e të dyshuarit.

Kujtojmë se kjo është arsyeja edhe pse ai dha dorëheqje nga pozita e kryeministrit, javën që lam pas.

Përveç Haradinajt, për t’u intervistuar atje janë thirrur edhe figura të tjera politike të vendit, siç është Jakup Krasniqi.

Ndryshe, Prokuroria Speciale është një nga dy dhomat e Gjykatës Speciale që i trajton pretendimet për përfshirjen e ish-pjesëtarëve të Ushtrisë Çlirimtare të Kosovës në krime të luftës, në periudhën 1998-2000./gazetametro.net