Haradinaj do të lirohet brenda ditësh

Nënkryetari i Kuvendit të Kosovës, Xhavit Haliti ka thënë se nuk është prej tyre që nxjerr lot korkodili post festum. Sipas tij, arrestimi i Ramush Haradinajt nuk është bërë me urdhër të Francës, por me flet arrest të Serbisë.

“Gjatë kontrolleve në kufi policit i del që një udhëtar ka fletarrest ndërkombëtar nga interpoli dhe ai është i obliguar ta zbatojë atë”, ka thënë Haliti

Haliti po ashtu ka thënë  Franca pas shqyrtimit të të gjitha argumenteve do ta lirojë Ramush Haradinajn.

Ai ka thënë se kjo është edhe një lojë e Serbisë dhe ajo po vazhdon tutje me këto lojëra.

“UNMIK e përfaqëson Kosovën në Interpol dhe disa herë është kërkuar që të hiqen fletarrestet e për ushtarët e UÇK-së, por një gjë e tillë nuk ka ndodhur”, tha Haliti, duke shtuar se brenda ditësh Haradinaj do të lirohet.