Hamza takon ambasadorin e ri të BE’së në Kosovë: Diskutojnë reformat dhe integrimin europian

Kryetari i Partisë Demokratike të Kosovës, Bedri Hamza, priti këtë të hënë në takim shefin e Zyrës së Bashkimit Evropian në Kosovë, ambasadorin Dirk Schuebel, transmeton Gazeta Metro.

Sipas komunikatës zyrtare të zyrës së BE-së, palët kanë bashkëbiseduar mbi domosdoshmërinë e shtyrjes përpara të agjendës euroatlantike dhe përmbushjes së reformave të nevojshme.

Gjatë këtij takimi është theksuar gjithashtu pesha që ka garantimi i qëndrueshmërisë politike dhe mirëqenies për popullatën vendore.

Po ashtu, nga blloku evropian u rikonfirmua vullneti për të vazhduar bashkëpunimin me të gjitha forcat politike në vend.

“BE-ja ka qenë partneri më i fuqishëm i Kosovës që nga viti 1999 dhe do të vazhdojë angazhimin me të gjithë aktorët politikë”, thuhet në njoftim./gazetametro.net