Gurët bllokojnë aksin rrugorë Hani i Elezit – Gorancë

Nuk është hera e parë që rrugët bllokohen në rajonin e Hanit të Elezit dhe Kaqanikut. Një gjë e tillë ka ndodhur edhe sot nga shembja e gurëve në aksin rrugorë Hani i Elezit – Gorancë.

Njoftimi për këtë shembje ka ardhë nga zyra për informim e komunës së Hanit të Elezit, ku ndër tjerash thonë se komuna bashkë me policinë e Kosovës janë duke monitoruar rrugën.

“Zyrtarë nga Komuna e Hanit të Elezit dhe Policisë së Kosovës janë në monitorim të rrugës e cila për momentin është e pakalueshme. Drejtoria e Shërbimeve Publike është duke marrë masa që kjo rrugë të pastrohet sa më shpejtë që të jetë e mundur”, thuhet në njoftimin e komunës./gazetametro.net