Gruevski kohë deri në mesnatë të pranojë kërkesat e shqiptarëve

Mandatari për krijimin e qeverisë maqedonase, ish-kryeministri dhe lideri i VMRO-DPMNE-së Nikolla Gruevski ka kohë vetëm edhe deri në mesnatë për të njoftuar se ka arritur të mbledhë shumicën parlamentare për të formuar qeverinë e re të Maqedonisë.

Mediat në Maqedoni, por edhe Top Channel në Shqipëri, po raportojnë se është arritur marrëveshja e koalicionit në mes të VMRO-DPMNE dhe BDI-së së Ali Ahmetit, por ende asgjë zyrtare nuk ka në këtë drejtim, shkruan gazetametro.net.

BDI për dy ditë rresht është duke zhvilluar konsultime ndërpartiake në selinë e saj në Reçicë të Vogël, diskutohen propozimet e bëra ndaj Gruevskit dhe anasjelltas.

Faktori politik shqiptar në Maqedoni, e në veçanti BDI si partia më e madhe, kanë vën disa kushte, njëri prej tyre bërja e shqipës gjuhë zyrtare, të cilën duhet ta pranojë Gruevski, para se të arrijë të marrë pëlqimin për koalicion.

Ndërsa, ende nuk ka asgjë zyrtare, Top Channel, duke u thirrur në burime të veta brenda fatorit politik në Maqedoni, ka raportuar se tanimë marrëveshja në mes të BDI’së dhe VMRO-DPMNE’së, është arritur dhe ajo parasheh që partia e Ahmetit t’i marrë 8 ministri duke përfshirë edhe atë të Brendshmën. Gjithashtu, thuhet se Gruevski është pajtuar edhe me kushtin që shqipja të bëhet gjuhë zyrtare në Maqedoni. /gazetametro.net