Loading…

Gripshi u zëvendësua në pjesën e parë ndaj Gjilanit, mësohet nëse është i gatshëm për Sivasspor

  • 02/10/2022 | 19:49

Gripshi u zëvendësua në pjesën e parë ndaj Gjilanit, mësohet nëse është i gatshëm për Sivasspor

Mesfushori i Ballkanit, Nazmi Gripshi sot pësoi një dëmtim në ndeshjen ndaj Gjilanit me ç’rast trajneri, Ilir Daja u detyrua ta zëvendësoi në minutën e 42’të me Qëndrim Zybën. Gazeta Metro mëson ekskluzivisht se shkalla e dëmtimit e Gripshit nuk ka qenë e rëndë dhe nuk ka asgjë për t’u shqetësuar.


Burime të Gazeta Metro brenda klubit kanë bërë të ditur se mesfushori nga Shqipëria përkundër faktit se u lëndua me shumë gjasë do të jetë i gatshëm për ndeshjen ndaj Sivasspor.

Sipas burimeve thuhet se ai ka ndjerë vetëm dhimbje në krahë dhe pas kryerjes së ekzaminimeve mjekësore është mësuar se krahu i futbollistit ka pësuar vetëm një dëmtim të lehtë.

Kampioni në fuqi i Kosovës mposhti sot në shtëpi Gjilanin me rezultat 2-0 në kuadër të javës së nëntë të Superligës së Kosovës.

Golat për fitoren e gjashtë këtë edicion të suharekasve i shënuan Arbër Prekazi (auto gol) dhe Meriton Korenica.

Ballkani të enjten me fillim nga ora 18:45 do të luajë sfidën e tretë në fazën e grupeve të Conference League ndaj Sivasspor. /gazetametro.net

Ballkani ndaj Sivasspor, me dy mungesa shumë të rëndësishme

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë