Loading…

Gjykata merr vendim: Një muaj paraburgim për Nuredin Lushtakun

  • 04/07/2022 | 23:43

Gjykata merr vendim: Një muaj paraburgim për Nuredin Lushtakun

Gjykata Themelore në Mitrovicë e ka caktuar masën e paraburgimit ndaj ish-nënkryetarit të komunës së Skenderajt, Nuredin Lushtaku, dhe dy personave të tjerë F.K dhe A.L.


Lajmin për “Betimi për Drejtësi” e ka konfirmuar gjyqtari i procedurës paraprake, Radosllav Markoviq, i cili edhe e ka marrë një vendim të tillë, transmeton Klankosova.tv.

Sipas prokurorisë, ekziston dyshimi i bazuar se të dyshuarit F.L., A.L. dhe N.L., më 2 korrik 2022, rreth orës 23:45 në Skenderaj, kanë sulmuar dy zyrtarë policorë të Stacionit Policor në Skenderaj me iniciale E.B. dhe M.G., që kanë qenë në detyrë zyrtare, dhe gjatë sulmit ka rezultuar me lëndime të zyrtarëve policorë, ku njëri është goditur me predhë të armës në këmbë.

Me këtë, të njëjtit dyshohen se kanë kryer veprat penale “Sulmi ndaj personit zyrtar”, “Përdorimi i armës apo mjetit të rrezikshëm”, si dhe “Mbajtja në pronësi, kontroll ose posedim të paautorizuar të armëve”.

Ndryshe, Nuredin Lushtaku ishte vetëdorëzuar gjatë ditës së sotme në polici, pas njoftimit të prokurorisë, se i njëjti është në kërkim.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë