Loading…

Gjykata e kthen Nazim Sahitin në Krime Ekonomike: Policia ankohet në Apel

  • 12/04/2019 | 08:18

Gjykata e kthen Nazim Sahitin në Krime Ekonomike: Policia ankohet në Apel

Ish-drejtori i Krimeve Ekonomike në Policinë e Kosovës, Nazim Sahiti, e ka fituar betejën e parë për t’u kthyer në postin që e ka mbajtur deri në tetorin e vitit të kaluar.


Gjykata Themelore në Prishtinë e ka konsideruar të bazuar padinë e tij kundër Policisë se Kosovës, pas degradimit që i është bërë kur e kanë transferuar atë nga pozita e drejtorit të Krimeve Ekonomike në zyrtar të Departamentit për Kufij.

Mbrojtja e Sahitit e ka konsideruar si veprim të drejtë, ndërsa në Policinë e Kosovës kanë thënë se vendimin do ta apelojnë në Gjykatën e Apelit.

Drejtori Rashit Qalaj ka thënë se Policia e Kosovës nuk do ta kthejë Sahitin në pozitën që ka qenë, deri sa Gjykata e Apelit të marrë vendim. Në një prononcim për gazetën, drejtori Rashit Qalaj ka thënë se e kanë pranuar vendimin për këtë çështje para një jave.

“Mund ta konfirmoj që e kemi pranuar vendimin e shkallës së parë, por i cili vendim nuk është i plotfuqishëm”, ka thënë Qalaj për Kohën Ditore.

Sipas tij, personat përgjegjës që merren me përfaqësim ligjor të Policisë së Kosovës do të bëjnë ankesë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë