Loading…

Gjukanovic: Pasi Serbia humbi Kosovën, Mali i Zi duket të jetë kompensimi më tërheqës për Serbinë e madhe

  • 17/09/2021 | 22:56

Gjukanovic: Pasi Serbia humbi Kosovën, Mali i Zi duket të jetë kompensimi më tërheqës për Serbinë e madhe

Nacionalizmi i madh serb dëshiron të përfitojë nga rirregullimi gjeopolitik, pavarësisht faktit se Ballkanit tashmë kjo i ka kushtuar 150,000 jetë njerëzish, tha presidenti malazez Milo Gjukanoviq në një intervistë për televizionin RTL.


Duke folur për destabilizimin e rajonit vitin e kaluar, ai vuri në dukje se ishte një përpjekje për të rinovuar politikat e vjetra, retrograde të ndërtimit të shteteve të mëdha në Ballkanin Perëndimor dhe se ideja u nis si një alternativë për krijimin e shteteve të mëdha, etnikisht dhe fetarisht homogjene.

“Pastaj ajo ide u shemb dhe gati 150,000 njerëz e paguan me jetën e tyre. Tani, ndoshta të inkurajuar nga ndryshimet gjeopolitike, ideologët e atyre nacionalizmave të mëdhenj shtetorë po përpiqen ta rinovojnë atë ide dhe Mali i Zi është sulmuar, sepse ne e dimë se nuk ka ‘Serbi të Madhe’ pa Malin e Zi në përbërjen e tij”, tha Gjukanoviqi, raporton televizioni publik i Malit të Zi, transmeton Zeri.info.

Ai theksoi se nuk ka dyshim se udhëheqja shtetërore e Serbisë, e kryesuar nga Aleksandar Vuçiq, qëndron pas kësaj.

“Pasi Serbia humbi Kosovën, Mali i Zi duket të jetë kompensimi më tërheqës dhe një pjesë e pashmangshme në mënyrë që të mbajë gjallë idenë e Serbisë së madhe”, beson Gjukanoviqi.

Sipas tij, Kisha Ortodokse Serbe është një instrument për realizimin e nacionalizmit serbomadh.

“Në vitet 1990, kishte më shumë nga këto instrumente – JNA, policia jugosllave, shërbimi jugosllav i sigurisë, zakonet dhe ligjet – ndërsa sot më nuk janë ato dhe vetëm Kisha Ortodokse Serbe ka pranuar të jetë instrument i projektit shtetmadh, i cili manifestohet shumë qartë në problemet aktuale në Mal të Zi”, tha me tej Gjukanoviqi.

I pyetur nëse mund të ketë konflikte serioze në Mal të Zi, Gjukanoviqi tha se “nuk është e lehtë të merresh me Serbinë, veçanërisht nëse e dini se një forcë gjeopolitike siç është Rusia qëndron pas saj”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë