Gjini para seancës konstituive: Aleanca do të jetë zëri më i fuqishëm i arsyes, zhvillimit dhe stabilitetit

Kryetari i Aleancës, Ardian Gjini, u ka uruar punë të mbarë dhe suksese të gjithë deputetëve të Kuvendit të Kosovës në seancën e sotme konstituive, me një urim të veçantë për grupin parlamentar të Aleancës.

Përmes një postimi në Facebook, Gjini theksoi se mandati i deputetit është një përgjegjësi e madhe ndaj qytetarëve që kanë dhënë besimin e tyre, duke shprehur bindjen se deputetët e Aleancës do të përfaqësojnë me dinjitet interesin publik.

“Jam plotësisht i bindur se ekipi i Aleancës do të jetë zëri më i fuqishëm i arsyes, zhvillimit dhe stabilitetit në këtë legjislaturë”, ka shkruar ai.

Gjini ka ritheksuar se qëndrimi i Aleancës lidhur me zhvillimet politike ka qenë dhe mbetet i qartë e transparent, duke u uruar sukses të gjithë deputetëve në fillimin e mandatit të ri.