Gjakovë: Kërcënohet e sulmohet njëri, policia arreston një person e kërkon tre të tjerë
-
05/06/2023 | 11:06
Policia e Kosovës, ka njoftuar se një person është arrestuar pasi që i njëjti se bashku me tre persona të tjerë kanë kërcënuar një person tjetër, shkruan Gazeta Metro.
Njëri nga të dyshuarit, përveç kërcënimit edhe e ka sulmuar fizikisht viktimën, të cilit i ka shkaktuar lëndime trupore.
Ky rast, siç raporton Policia e Kosovës,përmes raportit të saj të përditshëm, ka ndodhur në Gjakovë.
“KANOSJE/ LËNDIM I RËNDË TRUPOR – Rr. Ali Pashë Tepelena, Gjakovë 04.06.2023-20:30. Është arrestuar i dyshuari mashkull kosovar, pasi që i njëjti së bashku me tre të dyshuar të tjerë pas një mosmarrëveshje verbale kanë kanosur viktimën mashkull kosovar ndërsa njëri nga të dyshuarit e ka sulmuar fizikisht viktimën, me ç’ rast i ka shkaktuar lëndime trupore. Viktima është dërguar në QKUK për tretman mjekësor. Me vendim të prokurorit i dyshuari lirohet në procedurë të rregullt, ndërsa tre të dyshuarit të tjerë gjenden ne arrati”, thuhet në raportin e PK’së. /gazetametro.net
