Kështu tha, këshilltari i kryeministrit të Kosovës, Bajram Gecaj.
“Qeveria e Kosovës nuk pranon ultimatume për askujt”, tha ai për lajmi.net
Sipas Gecajt, Kosova e ka obligim me ligj dhe me vendim të Gjykatës Kushtetuese të themelojë AKS-në, por kur do të ndodh, ai nuk dha një datë të caktuar.
“Ne e kemi obligim ligjor të themelojmë Asociacionin e Komunave me shumicë Serbe, edhe aty do ta themelojmë siç e kemi në bazë të ligjit 2013, po ashtu edhe në bazë të vendimit të Gjykatës Kushtetuese e kemi obligim të themelojmë AKS-në”, theksoi këshilltari i Isa Mustafës.
Gecaj deklaroi se Asociacioni nuk do të themelohet në vakum politik siç po ndodh tani, por thotë se në kohë të përshtatshme do të formohet.
“Megjithatë, ai nuk themelohet në një vakum politik, por në një atmosferë të përshtatshme politike”, u shpreh Gecaj.
Në fund Gecaj, pati një porosi për Listën Serbe, “në në vend të që lëshojë ultimatume do të ishte mirë që të kthehet në institucionet e Kosovës edhe të bisedojnë me shefin e tyre”.
“Lista Serbe në vend të që lëshojë ultimatume do të ishte mirë që të kthehet në institucionet e Kosovës edhe të bisedojnë me shefin e tyre, kryeministrin e Kosovës, Isa Mustafën, më pas ne do të merremi vesh si do të shkoj ky proces”, tha Gecaj.
