Loading…

Gecaj demanton Listën Serbe

  • 16/12/2016 | 22:54

Gecaj demanton Listën Serbe
Zëvendëskryeministri i Kosovës, Branimir Stojanoviq ka reaguar ashpër ndaj vendimit të sotëm nga Isa Mustafa për shkarkimin e Ljubomir Mariqit nga detyra e Ministrisë të Administratës së Pushtetit Lokal.


Stojanoviq ka thënë se ky vendim nuk është bërë në koordinim me Listën Serbe dhe se ky veprim i kryeministrit, sipas tij, është hedhje e benzinës në zjarr nga Mustafa.

Mirëpo, me këto deklarata nuk është pajtuar zv/ministri i Pushtetit Lokal, Bajram Gecaj. Në një prononcim për “Indeksonline”, ai ka theksuar se kryeministri në kuadër të kompetencave të veta ka ndërmarrë një veprim të ligjshëm të cilin e ka të drejtë kushtetuese të shkarkojë cilin dush ministër.

“Kryeministri Mustafa është shef i gjithë Qeverisë së Republikës së Kosovës andaj në qeveri nuk ka demokraci por ka hierarki. Vendimi i kryeministrit Mustafa është përfundimtar dhe Mariqi është shkarkuar dhe në vend të tij është i emëruar një person tjetër”, ka thënë ai.

Më tej, Gecaj tha se deklarata e sotme e lëshuar nga ekzekutivi sqaron drejtë se vendimi është marrë në bashkëpunim dhe koordinim me Listën Serbe, parti kjo e udhëhequr nga Slavko Simiq.

Ndryshe, vendin e Mariqit pritet ta zë Mirjana Jevtiq, e cila deri më tani ka qenë zëvendësministre e MPMS-së.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë