Gazeta britanike: Kosova ndër vendet më të mira për t’u vizituar gjatë vitit 2017 (Foto)

Gazeta britanike “The Sunday Times”  u ka kushtuar një tekst, Majës së Gjeravicës në Kosovë si dhe malit të Korabit në Shqipëri, duke u  sugjeruar turistëve nga bota t’i vizitojnë.

Gazeta më e shitur në Britani të Madhe, i ka radhitur Malin e Korabit dhe Gjeravicën si të tretën në mesin 13 vendeve ku përfshihen Spanja, Franca, India e Portugalia.

“Njëra nga detyrat më të vështira në ushtrinë shqiptare ishte patrullimi i kufirit verior me Jugosllavinë, ku ushtarët e rinj ndiqnin gjurmët e dhive me shekuj të vjetra nëpër terrenin e lartësisë së madhe. Është e pafalshme, po – ama po ashtu e braktisur dhe jashtëzakonisht e bukur” shkruan kjo gazetë.

“Ky labirint spektakular mund të jetë i juaji për tetë ditë teksa ju mund t’i ndiqni hapat e atyre rekrutëve, duke vozitur në veri nga Tirana për t’u ngjitur 2.750 kilometra në Malin e Korabit në ditën e dytë, 2.655 metra në Malin e Gjeravicës” shkruan tutje ”The Sunday Times”.

Gjeravica gjendet në perëndim të Kosovës, gjegjësisht në vargmalet e Bjeshkëve të Nemuna që ndajnë kufirin shtetëror të komunës së Deçanit me Shqipërinë. Maja e Gjeravicës i takon territorit të komunës së Deçanit dhe afër saj gjendet edhe maja tjetër Gusani që me lmd radhitet menjëherë pas Gjeravicës./gazetametro.net