Loading…

Gastronomët sërish të pakënaqur: Nuk e di çka i pengon aq shumë muzika

  • 05/02/2022 | 08:18

Gastronomët sërish të pakënaqur: Nuk e di çka i pengon aq shumë muzika

Kryetari i Shoqatës së Gastronomëve, Petrit Kllokoqi, ka mirëpritur vendimin e qeverisë për lehtësim të masave anti-COVID, duke thënë se ato të deritanishmet kanë dëmtuar punën e bizneseve, për çka, sipas tij, nuk kanë marrë përkrahje nga shteti.


Megjithatë, për vendimi i qeverisë për të u ndalur muzika në orën 22:00, Kllokoqi tha se nuk e kupton pse i pengon muzika.

“Ndër determinuesit kryesorë të gastronomisë është edhe muzika, kuptohet se kjo po na sanksionon shumë dhe është e papranueshme prej anës sonë, nuk e di çka i pengon aq shumë muzika. Kjo po ndikon direkt edhe në ardhjen e diasporës në Kosovë, zhvillimin e turizmit e gjithçka tjetër”, u shpreh ai.

Kllokoqi krahasoi masat në Kosovë me ato në Maqedoni të Veriut e në Shqipëri, për cka tha se gjithmonë në Kosovë masat janë më të rreptat

“Jemi kundër masave sa herë që nuk kemi përkrahje ekonomike. Në vitin 2019 kanë qenë mbi 8 mijë biznese gastronomike, ndërsa në vitin 2021 rreth 2 mijë biznese më pak. Kjo i bie që ka shumë humbje të vendeve të punës”.

Tutje Kllkoqi u shpreh i bindur se i gjithë stafi i gastronomisë është vaksinuar, dhe se i kanë detyruar punëtorët ta bëjnë një gjë të tillë.

“Gastronomia ka qenë shumë përkrahëse e vaksinimit, i kemi detyruar të gjithë punëtorët me u vaksinuar, duke filluar prej vetes, kemi bërë edhe një lloj “challenge”, duke u shtyrë cili po vaksinohet më shumë e më shpejtë, nuk kemi numër të saktë, mirëpo të gjithë janë të vaksinuar”, tha Kllkoqi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë