Gashi: PDK ka veç fjalë, s’ka guxim për zgjedhje

Deputeti i LDK-së, Arben Gashi, ka thënë se PDK-ja nuk ka guxim që të shkojë në zgjedhje brenda 45 ditëve, por sipas tij, retorika politike aktuale e partnerit të koalicionit, mund të jetë një përgatitje që në zgjedhje të shkohet në pranverën e vitit të ardhshëm.

Derisa sipas tij nëse PDK-ja largohet atëherë i takon LDK-së të gjej një partner tjetër të koalicionit, që për momentin me subjektet tjera është e pamundshme.

Për LDK-në, ai ka thënë se ajo nuk po dëshiron të shkojë në zgjedhje.

Sipas tij, idetë për zgjedhje mbesin në fazën e deklaratave, edhe pse PDK-ja po mundohet të bëjë presion ndaj LDK-së.

Gashi këto komente i ka bërë në Rrokum Roll me Fidan Jupollin në Televizionin Rrokum.

https://youtu.be/ipkzf0SZSNM