Galaxy S8, edhe me skenues syri (Foto)

Kompania Samsung është duke bërë çmos për të rikuperuar dëmin që bëri me modelin ‘Note 7’, shkruan theguardian.

Kompania ka paralajmëruar të sjellë një risi në modelin e ri të Samsung Galaxy S8.

Modeli ‘Galaxy S8’, i cili pritet të dalë në muajin mars të këtij viti, do të jetë më një pajisje e cila do të skanojë irisin e syrit të njeriut.

Pritet gjithashtu që edhe ekrani të jetë me madhësinë e telefonit, pa lënë asnjë hapësirë, madje as për vetë logon e “Samsung”.

Kompania Samsung tashmë ka bërë të ditur se do të lëshojë në treg edhe modelin pasardhës Galaxy Note 8. Dalja në treg do të bëhet gjatë pjesës së dytë të këtij viti, pas lëshimit të modeleve Galaxy S8 dhe S8 Edge./gazetametro.net