Loading…

Gabimi i Belgjikës: E liroi bosin shqiptar të drogës, i pagoi edhe biletën

  • 07/07/2017 | 14:23

Gabimi i Belgjikës: E liroi bosin shqiptar të drogës, i pagoi edhe biletën

Një 35-vjeçar shqiptar i dënuar me 9 vite burg për shantazh, drogë dhe prostitucion është liruar gabimisht nga autoritetet.


Gazeta belge “dhnet.be” shkruan se shqiptari Safet Rustemi u dënua nga gjykata e apelit në 25 janar të këtij viti dhe rezulton se u lirua rreth 6 muaj pas këtij vendimi.

35-vjeçari shqiptar është dënuar për tentativë vrasje, tentativë grabitje, shfrytëzim prostitucioni dhe organizatë kriminale, ndërsa aktualisht ndodhet në Shqipëri.

Apeli e dënoi me 9 vite burg, por për shkak të një gabimi të gjykatës belge, që nuk urdhëroi arrestimin, por deportimin, Rustemi u dërgua në Shqipëri, madje edhe shpenzimet e biletës u hoqën nga autoritetet belge.

Gazeta belge “dhnet.be” shkruan se Safet Rustemi ndodhet në fshatin Dobraç të Shkodrës duke shijuar lirinë.

Gabimi u zbulua vetëm pasi Rustemi u deportua në Shqipëri, ndërsa tashmë pritet që të shpallet në kërkim për t’u arrestuar dhe ekstraduar për të vuajtur dënimin në Belgjikë.

Ndërsa avokati i shqiptarit Romain Delcoigne deklaron se klienti i tij nuk është arratisur.

Safet Rustemi
Lajmi ne mediat belge

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë