FSK stërvitet bashkë me Ushtrinë Amerikane në Gjermani

Një kontingjent i Forcës së Sigurisë së Kosovës i përbërë nga 12 pjesëtarë që nga 9 gushti është duke marrë pjesë në ushtrimin fushor ,”Vendosmëria e Përbashkët XII’’(Combined Resolve XII), në bazën e Ushtrisë Amerikane në Europë ( USAREUR) që gjendët në Republikën Federale të Gjermanisë, transmeton Gazeta Metro.

Ekipi i  FSK’së në këtë ushtrim është duke mbështetur Brigadën e Parë të Blinduar Luftarake të Divizionit të Këmbësorisë, në fushën e  komunikimit, të personelit, të operacioneve si dhe  në fushën e vëzhgimit dhe kontrollimit të zhvillimit të stërvitjes.

Gjatë këtyre ditëve të ushtrimit, janë zhvilluar aktivitete të vazhdueshme në ngritjen dhe zhvendosjen e ritransmetuesve, sipas nevojave në mbështetje të operacioneve taktike të Batalionit të Parë Xhenier si dhe bashkëpunimit me Kompaninë e Komunikimit “Charlie’’.

Stërvitja “Combined Resolved  XII”, është ushtrim shumëkombësh i operacioneve të përbashkëta tokësore, i drejtuar nga shtabi i Departamentit të Mbrojtjes së SHBA’ve. Qëllimi i këtij ushtrimi është stërvitja e forcave të caktuara  rajonale të Shteteve të Bashkuara  të nivelit të Brigadës, në mbështetje të objektivave të Komandës Evropiane të SHBA’ve për bashkëpunim dhe siguri, ndërtimin e gatishmërisë me aleatët dhe partnerët e NATO’s./gazetametro.net