Loading…

Freestyle i Don Xhonit arrin shifrat rekord, u bë hit në TikTok

  • 13/01/2021 | 17:59

Freestyle i Don Xhonit arrin shifrat rekord, u bë hit në TikTok

Ndonjëherë për të depërtuar në tregun muzikor mjafton vetëm një ‘beat’ dhe një tekst i goditur dhe voila.


Këtë na e ka vërtetuar më së miri Don Xhoni, që mori famë pas ‘freestyle’ të tij të famshëm në emisionin e Meriton Mjekiqit që theu shumë rekorde dhe i dha atij një vend direkt në industrinë e muzikës.

Nëse do e quanim si “njishi i freestyle-ve” nuk do e tepronim aspak. Disa muaj pasi bëri namin e pas disa projekteve muzikore, në dhjetor Don Xhoni u rikthye në studion e Meritonit sërish. Dhe sërish bëri namin.

Ky freestyle është bërë viral edhe në TikTok, muzika e të cilit po përdoret nga e gjithë bota për realizimin e videove me kërcimin karakteristikë për këtë këngë.

Sekuenca në profilin origjinal të postuar për herë të parë tashmë ka tejkaluar 3.5 milionë shikime dhe mbi 300,000 pëlqime. Sakaq, inserti është postuar nga më shumë se 31,000 profile teksa trendi vijon të jetë në rritje.

Nëse ende nuk e keni realizuar, futuni në TikTok dhe jepini!

Ndërkohë, së fundmi Don Xhoni ka bërë një postim në InstaStory, ku tregon se deri dje kishte 400 ndjekës në Instagram ndërsa për kaq pak muaj ka arritur të grumbullojë 400 mijë.

Don Xhoni rreth 1 muaj më parë publikoi projektin e tij më të ri muzkor, “Kokaina”, në të cilin kishte si protagoniste modelen Trejsi Sejdini. Në fillim u fol se ata kishin nisur një lidhje bashkë, por më pas u zbulua se ishin thjesht miq dhe se ishin takuar për të folur në lidhje me këtë bashkëpunim.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë