Loading…

Franca flet zyrtarisht për arrestimin e Haradinajt

  • 09/01/2017 | 16:55

Franca flet zyrtarisht për arrestimin e Haradinajt

Për rastin Haradinaj ka dhënë sot një deklaratë edhe Ministria e Jashtme e Francës. Ajo ka publikuar qëndrimin e saj rreth rastit të Ramush Haradinajt, i cili u arrestua në Aeroportin Bale –Mulhouse më kërkesë të Serbisë të deponuar në Interpol dhe tani po mbahet atje me një vendim të Gjykatës.

MPJ e Francës thotë se rastin e kanë në dorë autoritetet e drejtësisë të cilat janë duke vepruar në pavarësi të plotë. Ndërkohë që në Deklaratë theksohet se Franca kultivon raporte të afërta dhe miqësore me Kosovën.

“Franca, e cila ishte një prej vendeve të para që e njohu Kosovën në 2008, gëzon me këtë shtet marrëdhënie të afërta dhe miqësore”, thuhet në këtë qëndrim.

“Autoritetet e drejtësisë franceze janë duke u marrë me dhe duke e shqyrtuar, në pavarësi të plotë, situatën me kujdesin më të madh. Procedura në vijim i përket autoriteteve të drejtësisë.  Z. Ramush Haradinaj e gëzon mbrojtjen konsullore dhe ka pasur mundësi të takohet me konsullin e Kosovës. Ministria e punëve të jashtme dhe e zhvillimit ndërkombëtar është në kontakt me autoritetet kosovare dhe e ndjek këtë dosje me vëmendjen e vet më të madhe. Z. Jean-Marc Ayrault ka biseduar me homologun e tij të Kosovës z. Enver Hoxaj, në lidhje me këtë temë”, vazhdon tutje deklarata.

Veprimi që zhvillohet drejt Ramush Haradinaj, sipas këtij qëndrimi të lëshuar nga MPJ thuhet se i takon procedurave të drejtësisë të iniciuara nga kërkesa e Interpolit.

Sipas tyre, ai nuk ka asnjë dimension politik dhe nuk e modifikon politikën konstante të Francës dhe mbështetjen e saj për pajtim në regjion dhe zbatimit e dialogut ndërmjet Beogradit dhe Prishtinës.

“Franca i jep rëndësinë më të madhe vazhdimit të njërës dhe tjetrës”, thuhet në fund të këtij qëndrimi./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë