Loading…

Flet Edvin Kurtulus, futbollisti që e la Kosovën për Suedinë

  • 27/05/2022 | 22:06

Flet Edvin Kurtulus, futbollisti që e la Kosovën për Suedinë

Pasi u konfirmua nga Kosova, edhe Kombëtarja e Suedisë sonte e konfirmoi se Edvin Kurtulus ka zgjedhur për të përfaqësuar ngjyrat e këtij shteti.


Një konfirmim erdhi nga klubi suedez, Hammarby, aty ku aktivizohet tashmë ish-kapiteni i Kosovës U21.

Kurtulus ka folur për faqen zyrtare të klubit, teksa ka treguar edhe arsyen pse e zgjodhi Suedinë.

“Për shkak të asaj që qarkullon në media për zgjedhjen time të Kombëtares, dua vetëm të them se jam shumë krenar që Kosova më dëshiron në kombëtaren e saj A. Unë kam nderin të dua dy vende, por kam edhe përgjegjësinë, të marr një vendim që do të ndihet thellë. Për mua edhe Suedia edhe Kosova janë për zemër. Meqenëse kam lindur dhe jam rritur në Suedi, më duket shumë e drejtë që është Suedia që dua të përfaqësoj. Kam pasur disa biseda të mira me Janne Andersson dhe shpresoj që së shpejti ta quaj veten një lojtar të Kombëtares A suedeze. Procesi i dokumentacionit është duke u zhvilluar dhe shpresoj se do të shkojë shpejt dhe pa probleme që të mund t’i bashkohem Kombëtares së radhës”, tha ai.

Kujtojmë se Edvin Kurtulus deri më tani ishte pjesë e Kombëtares U21 të Kosovës. Madje, ai ishte edhe kapiten i kësaj skuadre.

22-vjeçari u ftua nga përzgjedhësi i Kosovës A, Alain Giresse, për ndeshjet e qershorit, por në fund lojtari vendosi që të largohet.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë