Loading…

Flasin familjarët: Vëllai ia mori jetën vëllait për traktor (Video)

  • 23/06/2017 | 20:51

Flasin familjarët: Vëllai ia mori jetën vëllait për traktor (Video)

18 vjeçari me inicialet Q.M, i cili dy ditë më parë është therur me thikë nga vëllai i tij i mitur, u varros sot në varrezat e Ferizajt.


Q.M nuk ka arritur që t’u mbijetojë plagëve qe mori nga therja me thikë dhe ka ndërruar jetë sot në QKUK.

Axha i viktimës, jashtë kamerës, tregoi për KALLXO.com se deri te incidenti tragjik erdhi mosmarrëveshja e tyre për një traktor të tipit kultivator.

“U rrokën për traktor pasi që me të kanë bajt hekura për të mbijetuar. Janë përleshur për atë punë e pastaj kanë hy në shtëpi të dy, kur kanë hy në shpi djali i vogël e ka marr një thikë të kuzhinës dhe e ka ther. Q.M ka dal jashtë edhe e kom parë qe sosht mirë. E ka thirr emrin e vëllait të vet edhe e ka pas dorën tu e mbajt në bark. Kur e ka heqë dorën e kam pa që ish mbush me gjak”, tha ai.

Ai sqaroi se viktima është dërguar në emergjencë për trajtim.

Policia ka arritur që më pas të arrestojë të miturin A.M icili është dërguar në mbajtje.

Sot, ai ka marrë pjesë në varrimin e vëllait.

Axha i viktimës tha edhe se familja ka bërë kërkesë qe dorasi i mitur të jetë i pranishëm në varrimin e vëllait të tij.

“Djali vet ka kërku e edhe familja kanë kërku që me u kanë prezent kur të bëhet varrimi i djalit tjetër”, shtoi axha i viktimës.

Ai ka qenë gjatë tërë kohës nën përkujdesjen e mjekëve dhe policisë. Ai në shumicën e kohës ka qëndruar në varrim pa vetëdije dhe vazhdimisht ka bërtitur “o vëlla çka të kam bërë”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë