Flakë në Yaroslavl pas sulmit me dronë, Ukraina goditet një nga rafineritë më të mëdha të naftës në Rusi

Re të mëdha tymi u ngritën të enjten nga një nga rafineritë më të mëdha të naftës në Rusi në Yaroslavl, rreth 280 km në verilindje të Moskës.

Mediat ukrainase raportuan se objekti u vu në flakë pas një sulmi me dronë herët të enjten. Jaroslavl është rreth 700 km nga kufiri me Ukrainën.

Presidenti Volodymyr Zelensky tha se Ukraina kishte goditur dy rafineri nafte në Rusi, rafinerinë Slavneft-Yanos në Yaroslavl dhe rafinerinë Bashneft-Novoil në Bashkortostan.

Zelensky tha se ata goditën gjithashtu dy anije patrullimi ushtarake dhe anije nga flota në hije e Rusisë në Detin e Zi. Kjo nuk është hera e parë që infrastruktura energjetike në Yaroslavl është shënjestruar nga sulmet ukrainase.

“Sulme të thella” u kryen në objektet e naftës në rajon muajin e kaluar. Rafineria Slavneft-Yanos prodhon rreth 15 milionë ton naftë bruto çdo vit, dhe produktet e saj përfshijnë karburant për makina, karburant për avionë dhe një gamë të gjerë vajrash.

Ndërsa Ukraina nisi më shumë se 600 dronë drejt Rusisë gjatë natës, sulmet vazhduan në drejtim të kundërt.

Në qytetin ukrainas të Balakliya, shërbimi shtetëror i emergjencës tha se tre persona u vranë ndërsa dronët rusë sulmuan një lagje banimi ndërkohë që 3 u vranë në Sumy.