Loading…

FIFA nisi procedurat ndaj Serbisë, Viola von Cramon: I bëj thirrje të sanksionohen ata që promovuan racizmin

  • 05/12/2022 | 19:11

FIFA nisi procedurat ndaj Serbisë, Viola von Cramon: I bëj thirrje të sanksionohen ata që promovuan racizmin

Raportuesja për Kosovën në Parlamentin Europian, Viola von Cramon, me anë të një postimi në Twitter ka reaguar rreth ngjarjeve të fundit që ndodhën në ndeshjen ndërmjet Serbisë dhe Zvicrës, transmeton Gazeta Metro.


Ajo ka thënë se vulgarizmi nuk është pjesë e sportit dhe i ka bërë thirrje FIFA’së që të sanksionojë ata që kanë abuzuar në Kupën e Botës.

”Sulmet e papranueshme dhe vulgarizmi nuk janë pjesë e sportit dhe nuk duhet të kenë vendin e tyre në ngjarjet sportive dhe në stadiume. I bëj thirrje FIFA’së për të hetuar dhe sanksionuar të gjithë ata që kanë abuzuar në Kupën e Botës për promovimin e racizmit, diskriminimit dhe urrejtjes,” ka shkruar eurodeputetja.

Sot gjatë ditës u raportua nga mediumi zviceran ‘Blick’ se FIFA do të nisë procedura kundër Federatës Serbe të Futbollit.

Kjo pasi mund të ketë pasur ‘shkelje të mundshme’ të tre neneve të kodit disiplinor të FIFA’së gjatë ballafaqimit të së premtes.

Këto janë nenet 12, 13 dhe 16. Neni 12 ka të bëjë me sjelljen e keqe nga lojtarët dhe zyrtarët, neni 13 me diskriminimin dhe neni 16 me sigurinë në lojë.

Ndërkaq, u raportua gjithashtu se nuk do të ketë asnjë procedim ndaj Zvicrës apo kapitenit Granit Xhaka. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë