Festa e PSG shndërrohet në kaos në Paris, qindra të arrestuar

Fitorja e Paris Saint-Germain në finalen e Ligës së Kampionëve kundër Arsenalit është shoqëruar me trazira të mëdha në Francë, ku përleshjet mes tifozëve dhe policisë kanë çuar në më shumë se 600 arrestime.

Autoritetet franceze angazhuan mijëra efektivë policie për të garantuar rendin, por festimet në Paris dhe qytete të tjera degjeneruan në incidente të dhunshme. Sipas raportimeve, u hodhën fishekzjarrë dhe mjete piroteknike ndaj forcave të rendit, ndërsa policia përdori gaz lotsjellës për të shpërndarë turmat në qendër të kryeqytetit.

Pamjet nga Parisi tregojnë automjete dhe biçikleta elektrike të përfshira nga flakët, si dhe dëmtime në disa biznese. Champs-Élysées u mbush me mijëra tifozë menjëherë pas suksesit të PSG-së, ndërsa incidente pati edhe pranë stadiumit Parc des Princes, ku tifozët kishin ndjekur finalen në ekrane gjigante.

Policia franceze bëri të ditur se gjatë trazirave u dëmtuan gjashtë automjete, dy biznese dhe një stacion autobusi. Ministria e Brendshme raportoi se 416 persona u arrestuan gjatë natës, prej të cilëve 280 vetëm në Paris.

Ministri i Brendshëm, Laurent Nuñez, deklaroi se shtatë efektivë policie mbetën të plagosur, duke i cilësuar ngjarjet si “absolutisht të papranueshme”.

Ndërkohë, liderja e së djathtës franceze, Marine Le Pen, reagoi ashpër në rrjetet sociale, duke deklaruar se “vetëm në Francë fitorja e një klubi futbolli shkakton trazira” dhe se qytetarët ndihen të detyruar të qëndrojnë në shtëpi për të shmangur dhunën.

What happened in Paris last night was not a riot—it was a display of deliberate anarchism by people who reject the values and responsibilities of belonging to France.

President Macron @EmmanuelMacron insists on portraying France as an oasis of successful assimilation.

Sadly,…

— Nervana Mahmoud (@Nervana_1) May 31, 2026