Loading…

Ferizajt i shtohen edhe dy hyrje-dalje në autostradën ‘Arbën Xhaferi’

  • 04/01/2020 | 09:33

Ferizajt i shtohen edhe dy hyrje-dalje në autostradën ‘Arbën Xhaferi’

Drejtuesit e Komunës së Ferizajt, derisa kanë promovuar të arriturat e punës së tyre njëvjeçare, kanë njoftuar se sivjet do të finalizohen punimet në dy hyrje-daljet e reja në autostradën “Arbën Xhaferi”. Ata kanë bërë të ditur se Ministria e Infrastrukturës tashmë ka nisur procedurat e prokurimit për këto projekte.

Ishin bizneset e kësaj komune që prekeshin më së shumti nga pamundësia e qasjes së shpejtë në autostradë, ata që shtruan kërkesën për krijimin e lidhjeve të reja. Kërkesa e njëjtë është adresuar edhe nga deputetët e Kuvendit të Kosovës nga rajoni i Ferizajt dhe nga rrjeti i OJQ-ve “Avonet”, shkruan sot Koha Ditore.

Numri i lidhjeve me autostradë nga ky qytet tash është rritur në katër. E që sipas kryetarit të Ferizajt, Agim Aliu, ato i japin shtytje më të madhe zhvillimit të ekonomisë në këtë komunë.

“Njëra tashmë është pjesë e projektit që është duke u përfunduar me procedura të tenderimit që lidhet nga ura e Bibajt deri në autostradës, dhe dy lidhje të tjera që janë në fazën e finalizimit nga Ministria e Infrastrukturës që kanë të bëjnë me vazhdimin e rrugës “Driton Islami” dhe në Gerlicë. Pra, kjo e bën më të lehtë qasjen e komunitetit të biznesit dhe të qytetarëve tanë dhe i jep një shtytje më shumë zhvillimit dhe ekonomisë vendore”, ka thënë Aliu.

Ndërsa ka folur për investimet e shumta në Komunë, ai ka theksuar se pas ndërrimit të qeverisjes janë përballur me borxhe të trashëguara prej rreth 40 milionë eurosh.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë