Loading…

Fatmir Limaj del sot para gjykatës

  • 23/05/2017 | 12:15

Fatmir Limaj del sot para gjykatës

Ish-ministri i Transportit dhe Postë Telekomunikacionit (MTPT), dhe katër të akuzuarit e tjerë në rastin e njohur si MTPT do të dalin sot para gjykatës. Ky shqyrtim gjyqësor ka filluar të zhvillohet nga fundi i shtatorit të vitit 2015.


Fatmir Limaj, Endrit Shala, Nexhat Krasniqi akuzohen për veprat penale krim i organizuar, keqpërdorim i pozitës apo autoritetit zyrtar, marrje ryshfeti, Shpëtim Telaku për veprat penale krim i organizuar dhe keqpërdorim i pozitës apo autoritetit zyrtar dhe i akuzuari i fundit Florim Zuka për veprat penale dhënie ryshfeti dhe keqpërdorim i autorizimeve ekonomike.

Këto vepra, kanë të bëjnë me gjashtë tenderë për mirëmbajtjen dhe ndërtimin e rrugëve nga Ministria e Transportit dhe Post Telekomunikacionit, shkruan Ekonomia Online.

Në seancën e fundit që ka zgjatur më shumë se tre orë është diskutuar për raportin e ekspertit ndërkombëtar. Konkretisht, bëhet fjalë për dokumentin i cili nuk përmban as vulë e as nënshkrim nga ish hetuesi i EULEX-it, pjesëtar i njësitit hetimor për krime financiare.

Mbrojtja e të akuzuarve kishe kërkuar nga prokurori Charles Hardaway, që të vërtetohet origjinaliteti i këtij dokumenti. Edhe trupi gjykues i kryesuar nga gjyqtarja Maria Tuma, ka kërkuar që të sillet dokumenti origjinal e i vulosur.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë