Falja e borxheve nga kryeministri Haradinaj mund të përfundojë në Kushtetuese
-
08/02/2018 | 13:28
Me 3 tetor 2017, Qeveria e Republikës së Kosovës mori vendim për faljen e borxheve për detyrimet që kanë ambalazhuesit e ujit ndaj buxhetit të Republikës së Kosovës që nga viti 2008. Ky mbeti njëri ndër vendimet më të komentuara të Qeverisë së drejtuar nga Ramush Haradinaj.
Si rezultat i shumë kritikave ky vendim i Haradinajt pritet që të përfundojë në Gjykatë Kushtetuese.
Me nismën e LDK-së në Kuvendin e Kosovës janë duke u mbledhur nënshkrime për ta çuar në Kushtetuese vendimin e Ramush Haradinajt për faljen e borxheve ambalazhuesve të ujit.
Gazeta Metro mëson se inicuesja e kësaj nisme është deputetja e LDK-së, Vjosa Osmani.
Për ta dërguar në Gjykatën Kushtetuese këtë vendim duhen nënshkrimet e 33 deputetëve.
Lexoni më shumë për këtë temë:
http://gazetametro.org/kontestohet-borxhi-prej-57-milione-eurove-per-prodhuesit-e-ujit-qe-u-fal-nga-kryeministri/
