Loading…

Faik Rexhepi, preshevari protestues që i rezistoi dhunës këmbëkryq, shkrihet në bronz

  • 28/11/2022 | 21:18

Faik Rexhepi, preshevari protestues që i rezistoi dhunës këmbëkryq, shkrihet në bronz

Pakkush nuk e ka parë këtë fotografi ikonike. Ky burrë, i ulur këmbëkryq në qendër të Prishtinës, është Faik Rexhepi.


Ishte gushti i vitit 1990 kur preshevari, cili punonte në “Ferronikel” të Drenasit, bashkë me kolegë kishin ardhur në kryeqytet që ta presin delegacionin e kongresit amerikan.

Para hotelit “Grand” policia serbe kishte ndërhyrë brutalisht, duke shpërndarë turmën, por Faik Rexhepi nuk kishte luajtur vendi. Hazir Reka e përjetësoi në fotografi momentin që u shpërnda në mediat gjithandej botës.

32 vjet pas fotografisë, Rexhepi u përjetësua sërish.

Për shkak të gjendjes shëndetësore, ai nuk mundi ta shohë veten si shtatore. Megjithatë, se si e ka pritur ai nderin që po i bëhej, e tregon bashkëshortja e tij në T7.

Kryetari i Prishtinës, Përparim Rama, tha se kjo vepër arti simbolizon rezistencën paqësore përballë dhunës.

Faik Rexhepi nuk ishte i vetmi që u nderua në 110-vjetorin e pavarësisë së Shqipërisë. Në kompleksin universitar më në fund u vendos shtatorja e profesorit dhe studiuesit Anton Çetta.

Historiani Jahja Drançolli tha se me angazhimin e Çettës u shua tradita e gjakmarrjes.

Në përurim ishin të pranishëm personalitete të rëndësishëm nga Kosova e Shqipëria.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë