Facebook dëmton shëndetin

Përdorimi i facebook-ut është një lloj varësie, e cila nuk ndikon mirë në psiqikën tonë. Koha që u kushtohet atyre nuk është e kufizuar prandaj edhe ka shumë efekte anësore.

Facebook dëmton shëndetin mendor dhe në shumë raste ngjarjet që hasin përdoruesit aty u sjellin atyre depresion, ankth e sjellje negative. Sipas ekspertëve, shfrytëzuesit e facebook-ut janë më pak të shoqëruar, dhe nuk ndjejnë kënaqësi të ndajnë momente interesante me njerëz fizikisht.

Një studim i ri shkencor ka befasur kur doli në përfundimin se një javë pushim nga rrjeti social facebook përmirëson shëndetin mendor. Studimi, i cili u botua në Cyberphysiology, ka hulumtur rreth sjelljeve të  2.000 personave, gjysma e të cilëve ndaluan së përdoruri Facebook-un për një javë.

Disa ishin përdoruesë aktivë, ndërsa të tjerët ishin vetëm përdorues të rastit. Bazuar në rezultatet e anketës, pas një jave, grupi që hoqi dorë nga Facebook treguan sjellje më miqësore, më pak ziliqare dhe ishin më të kënaqur me gjërat që kishin bërë, transmeton gazetametro.net

Facebook-u është kthyer në një virus nga i cili e ke pothuasje të pamudur të shpëtosh. Sapo zgjohemi nga gjumi ndër veprimet e para që bëjmë është t’i shohim të rejat në llogarinë tonë në këtë rrjet social. E njejta na ndodh edhe kur vjen koha e gjumit, ku patjetër e kontrollojmë edhe një herë atë.

Kjo në fakt është vartësi!