Evropa shënon ulje të rasteve me koronavirus, por numri i viktimave ende shqetësues

Numri i rasteve të reja Covid-19 ra javën e kaluar për herë të parë në më shumë se tre muaj, por vdekjet në rajon vazhduan të rriteshin, sipas të dhënave të fundit nga OBSH, transmeton Gazeta Metro.

Në total, gati katër milion raste të koronavirusit të ri u regjistruan në të gjithë botën gjatë javës, dhe gati 60,000 njerëz vdiqën nga sëmundja gjatë së njëjtës periudhë, tha Organizata Botërore e Shëndetësisë.

Evropa, e cila të martën pa numrin e saj të përgjithshëm të infeksioneve të koronavirusit që kaloi 15 milion, mbetej rajoni më i goditur.

Javën e kaluar ajo përbënte 46 përqind të rasteve të reja globale dhe 49 përqind të vdekjeve, tregoi azhurnimi epidemiologjik i përjavshëm i agjencisë shëndetësore të KB.

Në të njëjtën kohë megjithatë, më shumë se 29,000 vdekje të reja Covid-19 u regjistruan në të gjithë Evropën – një rritje prej 18 përqind nga java e mëparshme.

Të dhënat e OBSH-së treguan se Austria raportoi rritjen më të ndjeshme të rasteve të reja në kontinent javën e kaluar, duke shënuar një rritje prej 30 përqind nga java e kaluar./gazetametro.net