Erza Muminoviq mposhtet në çerekfinale, por ka shanse ende për medalje

Xhudistja nga Kosova, Erza Muminoviq, ka pësuar humbje në çerekfinale kundër francezes, Vieu Melanie, transmeton Gazeta Metro.

Në Lojërat Mesdhetare që po mbahen në Oran të Algjerisë në kategorinë e 48 kilogramëve xhudistja kosovare, Erza Muminoviq, është mposhtur me ippon kundër francezes, Vieu Melanie.

Megjithatë, Muminoviq e vazhdon edhe më tutje garën për medaljen e bronztë, të cilën do ta kërkoj përmes repasazhit.

Në duelin e parë ajo mposhti me ippon garuesen turke, Gulkader Senturk, në luftën e cila zgjati më shumë se dhjetë minuta.

Kujtojmë që gjatë ditës së sotme në orar për t’u ndeshur janë edhe dy xhudistet tjera, Distria Krasniqi dhe Flaka Loxha. /gazetametro.net