Loading…

Ermali u vra gabimisht?

  • 07/05/2017 | 21:54

Ermali u vra gabimisht?

Mitrovica u trondit të premten mbrëma, kur u dha lajmin se i riu Ermal Kamberaj u vra në vendin e tij të punës në një lokal në qendër të Mitrovicës. Por, një portal lokal i Mitrovicës pretendon se Ermali ishte vrarë gabimisht, pasi dikush tjetër kishe qenë cak i këtij sulmi.


Burime të Veriu.info nga Policia e Kosovës bëjnë të ditur se i dyshuari Sadik Bajrami kishte pasur cak sulmi një person tjetër (emër i njohur për redaksinë), por fatkeqësisht atij Ermali i ka ngjarë në të dhe e ka kryer sulmin.

“Ermali dyshojmë se është vrarë gabimisht, pasi që kemi informata se i dyshuari ka dashur ta vrasë një person tjetër, por ka menduar se viktima është personi të cilin ai e kishte cak sulmi. Kemi informacione se i dyshuari ka dashur ta vrasë një person të lagjes Shipoli, e i cili kohëve të fundit ka ardhur nga Perëndimi”, thotë burimi i Veriu.info.

Siç mëson Veriu.info para disa vitesh ishte vrarë në rrethana ende të pasqaruara një familjar i personit që ka qenë cak sulmi.

Veriu.info ka kontaktuar me zëdhënësin e policisë për rajonin e Mitrovicës, i cili është pyetur për informacionin se dorasi nuk e ka pasur cak sulmi Ermal Kamberajn por një person tjetër, pasi që sipas infomacioneve që i kemi edhe policia po i zhvillon hetimet në këtë drejtim, mirëpo, policia nuk e ka pohuar e as mohuar këtë.

“Policia mbi dyshime të bazuara ka shpallë në kërkim të dyshuarin për vrasje të viktimës E.K., ndërsa sa i përket motivit është çështje e procesit hetimor që po zhvillohet”, ka thënë zëdhënësi Avni Zahiti.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë