Erdogan e fton Thaçin në Turqi për ta hapur aeroportin më të madh në botë

Presidenti turk, Recep Tayip Erdogan, ka ftuar edhe presidentin kosovar, Hashim Thaçi, për të marrë pjesë në ceremoninë e hapjes së një aeroporti që kushtoi hiç më pak se 10.5 miliardë dollarë.

Mësohet se presidenti Thaçi do të udhëtojë sot për në Turqi, ku do të jetë pjesë e këtij eventi bashkë me krerë të tjerë shtetesh, shkruan gazetametro.net.

Ndërkohë, edhe zyra e presidentit kosovar e ka konfirmuar udhëtimin e të parit të vendit, në ngjarjen që do të mbahet sot në ‘Ditën e Republikës së Turqisë’.

“Presidenti i Republikës së Kosovës, Hashim Thaçi, me ftesë të Presidentit të Turqisë, Recep Tayyip Erdoğan, sot udhëton për në Stamboll, ku do të marrë pjesë në hapjen solemne të aeroportit të ri të Stambollit”, thuhet në komunikatë për media.

E aeroporti i ndërtuar së fundmi në Stamboll, pritet të pranojë 90 milionë udhëtarë për çdo vit, dhe brenda tij gjendet edhe një qendër tregtare.

Ndërtimi i tij kishte filluar në vitin 2014 dhe përfshinë një hapësirë prej 76 kilometrash katror, e për të cilin u shpenzuan mbi 10 miliardë dollar.

Ky aeroport është i ndërtuar në zonën e Arnavutkoy’t, dhe do të njihet me emrin ‘Istanbul Yeni Havalimani’. Me aeroportin e ri, Stambolli do të numëroj tre të tillë ne qytetin e shtrirë në dy kontinente./gazetametro.net

Për të parë pamje nga aeroporti i ri, klikoni EDHE: http://gazetametro.net/neser-ne-turqi-hapet-aeroporti-me-i-madh-ne-bote-kushtoi-plot-10-5-miliarde-dollare/