Loading…

‘Erdhi dita’: Kurti takohet me ish-sekretarin amerikan të administratës Trump

  • 06/07/2022 | 22:11

‘Erdhi dita’: Kurti takohet me ish-sekretarin amerikan të administratës Trump

Kryeministri i Kosovës, Albin Kurti, si dhe partia e tij Lëvizja Vetëvendosje ka qenë kritikuese e madhe administratës Trump, ndërsa vetë Kurti kishte bërë thirrje që të votohen demokratët me në krye Joe Biden, dhe jo republikani Donald Trump, administratës së cilës i takonte edhe ish-sekretarin amerikan Mike Pompeo, shkruan Gazeta Metro.


Për këtë takim të Kurtit dhe Pompeot, ka njoftuar qeveria e Kosovës, ku ndër të tjera thuhet se kryeministri Kurti ka njoftuar Pompeon me të arriturat e Kosovës sa i përket rritjes ekonomike, cilësisë së demokracisë dhe imazhit të Kosovës në botë.

Sipas një komunikate të Qeverisë, në këtë takim u diskutua edhe për situatën në Evropë e posaçërisht në Ballkan pas agresionit ushtarak të paprovokuar, ilegal e të pajustifikueshëm të Rusisë mbi Ukrainën.

“Të dy u pajtuan që Rusia nuk bën kurrsesi ta fitojë këtë luftë, që kontinenti evropian mbrohet më së miri me unitet të brendshëm dhe me urën transatlantike me ShBA-të dhe se Kosova është shembull suksesi i qëndrueshmërisë së popullit të saj dhe i ndërhyrjes së NATO-s”, thuhet në komunikatë

Ndryshe, ky takim ka ndodhur në tryezën ndërkombëtare vjetore të revistës ‘The Economist’, e cila po mbahet në Athinë e ku Kurti, zhvilloi takim me ish-sekretarin Amerikan të Shtetit dhe ish-drejtorin e CIA-s, Mike Pompeo në administratën Trump./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë