Loading…

‘Elektroseveri’ i Serbisë licencohet zyrtarisht në Kosovë

  • 24/06/2022 | 13:56

‘Elektroseveri’ i Serbisë licencohet zyrtarisht në Kosovë

Bordi i Zyrës së Rregullatorit për Energji (ZRRE) ka aprovuar sot kërkesën për dhënie të licencës për furnizim me energji elektrike për “Elektrosever” për katër komunat veriore, bazuar në marrëveshjen e arritur mes Kosovës dhe Serbisë në Bruksel.


Me pesë vota “për”, asnjë kundër, Bordi i ZRRE-së aprovoi dhënien e licencën për kompaninë “Elektrosever”.

Sipas ujdisë së miratuar të martën mes dy shteteve, energjinë elektrike në pjesën veriore të Kosovës do ta faturojë “Elektrosever D.O.O.”, një kompani e cila është pronë e shtetit serb.

“Elektrosever D.O.O” është një kompani e regjistruar në Agjencinë për Regjistrimin e Bizneseve në Kosovë (ARBK) më 2018, tregojnë të dhënat publike të Qeverisë së Kosovës, raporton Paparaci.

Bazuar në të dhënat e regjistrit të bizneseve në Kosovë, “Elektrosever D.O.O” është një kompani private, 100 për qind të aksioneve të së cilës i menaxhon ndërmarrja shtetërore e Serbisë, “JP Elektroprivreda Srbije”.

“JP Elektroprivreda Srbije”, me bazë në Beograd, është ndërmarrje publike e themeluar dhe e menaxhuar nga Qeveria e Serbisë.

Kësisoj, përmes kompanisë simotre të saj në Kosovë, e cila sipas Marrëveshjes së Brukselit do të licencohet për furnizim të energjisë elektrike në veri, ndërmarrja publike serbe do të implikohet në faturimin e energjisë elektrike për konsumatorët në veri.

Lidhja e “Elektroseverit” në veri me ndërmarrjen shtetërore serbe në Beograd është përmendur si “fitore” nga Lista Serbe, subjekti më i madh politik i serbëve të Kosovës.

“Ne kemi kërkuar që kjo të bëhet në përputhje me marrëveshjen, përkatësisht të bëhet nga Elektrosever, që është simotër e EPS-it (Elektro Provreda Srbije)”, ka thënë të martën Lista Serbe në një njoftim për media.

Udhërrëfyesi për zbatim të Marrëveshjes mes Kosovës dhe Serbisë për çështjen e faturimit të rrymës në komunat veriore të Kosovës, të cilën e miratuan sot kryenegociatorët Besnik Bislimi dhe Petar Petkoviq në Bruksel, ishte arritur më 2013. Por, ajo nuk ishte vënë asnjëherë në zbatim.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë