Ekzekutohet një tjetër shqiptar në Holandë: Ka të bëjë me vrasjen e presidentit të Çamërisë, Festim Latos

Dje në Holandë u vra në mënyrë misterioze presidenti i vetëshpallur i Çamërisë, Festim Lato. Mirëpo sot është gjetur edhe një trup tjetër i vrarë, që policia thotë se ai është një shqiptar, transmeton Gazeta Metro.

Trupi i vdekur u gjet në kanalin e Amsterdam-Rhein pranë Nigtevechtit. Mediat raportojnë e ky trup është i një 43 vjeçarit shqiptar.

Ai ishte i humbur prej disa kohësh. Është e paqartë sesi trupi i pajetë i shqiptarit ka përfunduar në këtë kanal në Holandën Veriore.

Një kalimtar ka parë trupin në ujë pasdite dhe ka thirrur menjëherë policinë. Policia nisi një hetim dhe zbuloi se trupi është i një shtetasi të Shqipërisë. Forcat policore po kryejnë hetime të gjera për vdekjen e dyshimtë.

Mediat kryesore në Holandë thonë se kjo vrasje mund të ketë lidhje me ekzekutimin e Festim Latos, i vetëshpallur president i Çamërisë. Festim Lato, president i vetëshpallur i Çamërisë u gjet dje i vdekur në Holandë, vend ku jetonte prej disa vitesh.