Loading…

Ekstremistët gjermanë, pro ndryshimit të kufijve Kosovë-Serbi

  • 30/08/2018 | 12:54

Ekstremistët gjermanë, pro ndryshimit të kufijve Kosovë-Serbi

Pas telefonatës me Donald Trump, Angela Merkel edhe një herë e bëri të qartë se “Berlini i mbështet bisedimet, që çojnë deri te qëllimi”, ama shtoi njëkohësisht se integriteti ka një rëndësi të veçantë dhe foli për rrezikun e efektit domino.


Këtë qëndrim e ndajnë edhe shumë të tjerë.

“Kjo nuk çon drejt zgjidhjes, madje edhe më shumë irriton kur dëgjohen mendime për vendosjen e kufijve të rinj”, thotë Peter Beyer, deputet i Partisë Kristiandemokrate (CDU). “Nuk mendoj asgjë të mirë për këtë dhe mendoj se këto lojëra teorike për kufijtë paraqesin rrezik për destabilizimin”.

“Kufijtë e dy shteteve sovrane, Serbisë dhe Kosovës, janë përcaktuar”, këmbëngul ai.

Edhe deputeti Josip Juratoviç, nga Partia Socialdemokrate (SPD), është i shqetësuar.

“Shkëmbimi i territoreve do të thotë kthim në Mesjetë, kur feudalët kanë këmbyer territore dhe i kanë zhvendosur popujt sipas dëshirës së tyre”, ishte komenti i tij.

Po cilët janë zërat pro? Ata vijnë prej partisë së ekstremit të djathtë, “Alternativa për Gjermaninë”.

Deputeti i kësaj partie, Anton Friesen, i cili e ka kritikuar politikën e Perëndimit në Ballkan, tha për “Deutsche Welle”-n se bota ka mbi 20 vite që pret zgjidhjen e problemit të Kosovës, ndaj duhet anuar sipas tij drejt një zgjidhjeje, të cilën e gjejnë Beogradi dhe Prishtina, pavarësisht nëse ajo nënkupton edhe ndryshimin e kufijve.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë