Loading…

Eksperti i sigurisë: Vrasja në Gllogjan nuk ishte akt terrorizmi, ata që folën për terrorizëm e bënë një dëm të madh

  • 29/11/2021 | 23:58

Eksperti i sigurisë: Vrasja në Gllogjan nuk ishte akt terrorizmi, ata që folën për terrorizëm e bënë një dëm të madh

Eksperti i çështjeve të sigurisë, Agim Musliu, thotë se vendi i ngjarjes pas krimit do të duhej izolur shumë shpejt për të mos u prishur provat.


Musliu në “Debat Plus” thotë se është bërë dëm në rastin e vrasjes në Gllogjan kur është përfolur për lidhje të mundshme me terrorizëm.

“Të gjitha institucionet e sigurisë janë deklaruar se në këtë rast nuk ka motive terrorizmi. Kushdo që ka folur për terrorizëm ka gabuar dhe është ngutur. Dëmi tashmë është bërë dhe e ka marrë dhenë. Dihet si qëndron definicioni i rasteve që mund të lidhen me terrorizmin”, deklaroi Musliu.

“Mediat serbe e kanë përdorur rastin për të paraqitur Kosovën si vend të pasigurtë”.

Ai thotë se në raste të tilla të ndërlikuara duhen kapacitete të plota shtetërore për të zbardhur rastin.

“Asnjë krim nuk është i përkryer dhe gjithmonë ka gjurmë që lihen në vendin e ngjarjes”.

Ai thotë se nëse organet e sigurisë nuk dalin me kohë ne vendin e krimit, gjurmët mund të prishen.

“Posa të ndodh ndonjë rast i ndërlikuar si ky duhet të izolohet vendi i ngjarjes. Nëse policia nuk del me kohë ne vendin e ngjarjes mund të prishen disa gjurmë me rëndësi”, tha Musliu.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë